Кыргыз тили — кыргыз элинин улуттук тили, улуттук маданиятынын формасы, Кыргыз Республикасынын мамлекеттик тили болуп саналат.
Кыргыз ССРинин Жогорку Совети тарабынан 1989-жылы 23-сентябрда “Кыргыз ССРинин мамлекеттик тили жөнүндө” мыйзам кабыл алынып, андан сон кыргыз тилине мамлекеттик тил макамы берилген. Бул мыйзам 2004-жылы Жогорку Кеңештин Мыйзам чыгаруу жыйыны тарабынан жаңыланып, анда кыргыз тили мамлекеттик тил, ал эми орус тили расмий тил деп жарыяланган.  

2024-жылдын 23- сентябрь күнү Кыргыз Республикасынын Эл аралык университетинин Политехникалык колледжинде Кыргыз Республикасынын мамлекеттик тил күнүнө карата «Тил – улуттун байлыгы» деген темада студенттер арасында иш –чара өткөрүлдү. Бул иш-чарада төмөнкүлөр уюштурулду:
- дубал гезиттин конкурсу;
- жат жазуу иштери;
- «Эне тилим – биримдиктин жана достуктун тили» атту темада адабий кече;
- Тилге арналган макалдар,учкул сөздөр, Кыргыз тили-Мамлекеттик тили» стендин уюштуруу;
- «Кыргыз адабият дүйнөсү» аттуу китептердин көргөзмөсү;
- «Мамлекеттик тил-улуттук дөөлөт» класстык саат;
«Кыргыз тилинин абалы» тайпалар арасында диспут;
Иш-чаранын максаты студенттерди эне тилибизди сүйүүгө,көз карегибиздей сактоого, аздектеп баалоого умтулуу жана аны өнүктүрүү болуп саналат. Студенттер кыргыз тилин даңазалап,кыргыз улуттук кийимдери менен салтанаттуу иш-чарага активдүү катышышты.